حوار بين مدير منتدى ومشرف

بداية الحوار
يارب صبحنا وربحنا ولا تفضحنا

على الصبح مين

اهلا ده الاخ مدير المنتدى خير يا رب مهو ده واحد مش بييجى من وراه غير المشاكل

المشرف : نعم يا عم ارغى

المدير : اسمها ارغى يا عم انت نايم لحد دلوقتى الساعه 6 ونص وحضرتك لسه نايم وسايب المنتدى

المشرف فى سرة : ببيع لبن انا علشان اصحاله من 5 يا رب صبرنى

المشرف عادي كدة : ايوه يا استاذ حمدى معلشى تأصير منى خش اديلى انزار جوا

المدير : لا هكتفى بلفت نظرك

المشرف : شكرا لكرم اخلاقكم

الله يولع فيك انت والمنتدى فى يوم واحد انا ايه الى رمانى الرميه السودا دى

ادى الاسطباحه اول واحد

تيجى تخش بقى موضوع قول نفسيتك اليوم ايه وداخل المنتدى بقى ونفسك مفتوحه عايز تشتغل

تلاقى احلى ردود تتديلك امل لبكرة انا مخنوقه انا بموت تعبان انا صباع رجلى مدوحس حاجه تجيبلك مرض طبعا انا ندل تخش ارمى ردى انا زي الفل ورايق و بشرب كابتشينو

تلاقى بقى احلى ردود من الاعضاء

الى كاتب

نسينبيسابينهخوةءؤزوةءؤ

على اساس اننا جهاز المخبارت وهنترجم شفرت حضرتو

والى يقولك فى موضوع اغانى لقد اسعدنى هذا الخبر يا راجل طب نزرغت يعنى ولا نعمل ايه

والى يقولك اللينك بايظ وهو اساسا كان مخفى طب ايه عرفك بتنجم حضرتك

تيجى للرسايل

ياااأبو الشبااااااااااااب ألحقني ... كل ما أدخل المنتدى يطلعني بره ... ومش راضي يدخلني ايه الحكاية شكلها كدة الدخول. بفلوس ....

مشرفنا ... ممكن لو سمحت تعدل اسمي من الحلوة الى ملكة جمال المنتديات <<<<<<<< مصدقه نفسها

هاي عمري ... يارب تكون مبسوط .. بصراحة شخصيتك عاجباني ولك هيببة في المنتدى بس ياريت يعني اذا عملت موضوع ثبتلهولي ..على فكرة انا زعلانة محدش يثبتلي مواضيعي

وانا مال اهلى انا محدش بيثبتلك مواضيعك متتحرقى انتى والمنتدى

ياعم هقلك على حاجة : مش هسلم عليك ولا حاجة انت أصلاُ ماتستاهلش كل ما اعمل موضوع تحذفهولي .. عجيبة والله ...

حاجه مقرره هسيبها ولا هو زياده الخير خيرين

مساك زي الفل يا سوبر ستار المنتدى ...
بصراحة انا مكسوف منك عايز أطلب طلب بسيط ... يعني انا عايز اعرف ازاي المشرف بيتعامل مع المواضيع و ايه الطريقة يعني بالعربي الفصيح .. عايز الباسوورد بتاعتك اذا تكرمت

(ماهو دا اللى ناقص)

يا اخي انت زودتها ... شايف نفسك علينا وكل مانكلمك ما تديناش وش .. ياخي الاشراف مش يعني بقيت ملك ... اختشي على دمك بقى .. قال مشرف قاال ... انت أصلاً خدام عندنا يعني تخدمنا .. اقولك : روح هاتلي واحد شاااي

صحيح الى ميعرفش يقول عدس

لو سمحت والنبى يا سعاده الباشا فى بنت موجوده على المنتدى ياريت تبقى تبعتلى ايميلها على ايميلى وليك الحلاوة طبعا

( ليه يعنى قالولك عليا فتحها عالم سمسم بوزع ايميلات )

الحمد لله جالى الخفيف من بعد الشويه دول وبقيت بحدف العيال بلطوب
هههههههههههههههههههههه